සෙබළියන් තිදෙනෙකු මත්කර ලක්ෂ 17ක රන් භාණ්ඩ කොල්ලකෑ සැකකරු රක්ෂිත බන්ධනාගාරයට
ඉකුත් අලුත් අවුරුදු සමයේ අනුරාධපුරයේ සිට කොළඹ බලා ධාවනය වෙමින් තිබූ පෞද්ගලික බස්රථයක ගමන් කරමින් සිටි ශ්රී ලංකා යුද හමුදාවේ හිටපු සෙබළියන් තිදෙනෙකු පැළඳ සිටි රුපියල් ලක්ෂ 17 ක පමණ වටිනාකමකින් යුත් රණ් භාණ්ඩ කොල්ලකෑමේ සිද්ධියකට සම්බන්ධ සැකකරුවෙකු මේ මස 29 දින දක්වා රක්ෂිත බන්ධනාගාරගත කර තිබෙනවා.
ඒ අනුරාධපුර අතිරේක මහේස්ත්රාත් ඩී.එල්. සමරසිංහ මහත්මියගේ නියෝගයකට අනුවයි.
යුද හමුදාවේ හිටපු සෙබළියන් තිදෙනාට මත්වන සුළු බීම වර්ගයක් පානය කිරීමට ලබාදී සිහිසුන්කොට සැකකරු විසින් එම රන් භාණ්ඩ කොල්ලය සිදු කර තිබුණා.
සැකකරු විසින් දිවයිනේ තවත් විවිධ ප්රදේශවල සිදුකර ඇති බව කියන මෙවැනි සංවිධානාත්මක ජාවාරම් සම්බන්ධයෙන් විමර්ශන මෙහෙයවා එම විමර්ශන වල ප්රගතිය දැක්වෙන වාර්තාවක් අධිකරණයට ඉදිරිපත් කරන ලෙසටයි අතිරේක මහේස්ත්රාත්වරිය අනුරාධපුර මුලස්ථාන පොලිසියට නියෝග කළේ.